Ин сатрҳои оҳ ки ҳарҷо навишта ем

Аз рӯй он ду зулфи чилипо навишта ем

Бар захми ҷӯии шери намакҳо фишонда аст

Сатрӣ ки мо ба сафҳаи хоро навишта ем

Гоҳе ки ҳарфи зулфу хат ва хол гуфта ем

Бар кӯдакони бароти тамошо навишта ем

Афтодааст шқ чу қалам бар забони мо

То аз дили ду ним сухан вонўштаҳ ем

Натавон ҳазор сол ба тӯфони Нӯҳи шаст

Шарҳӣ ки мо ба дили зи таманно навишта ем

Ҳарчанд нест дарди дили мо навиштанӣ

Аз ашки худ ду сатр ба симо навишта ем

Ризқи ҳазор хори дарин дашти оташин

Бар донаҳои обилаи по навишта ем

Мо шарҳ бе қарории маҷнӯни хеш ро

Аз муваҷҷаҳи сароб ба саҳро навишта ем

Сад перҳани зиёдаи зи савдоӣ Юсуф аст

Судӣ ки мо ба хеши зи савдо навишта ем

Ҳарчанд ғарқаем , ҳамон аз ҳубобу мавҷ

Мактуби сар ба меҳр ба дарё навишта ем

Бар сафҳаи дилӣ ки ғами ишқро сазост

Мо шӯхи дидагони ғами дунё навишта ем

Дар хоб ғифлатаст фалак , варна мо зи оҳ

Тӯморҳо ба олами боло навишта ем

Аз паст фитратӣаст ки мо ризқи хеш ро

Бар хӯшаи баланди сурайё навишта ем

Дасти зи кори рафта мо нест бе шуъӯр

Аз набз , хати роҳи масеҳо навишта ем

Бар фарди офтоби қалам май кашеми мо

То нусхае аз он рухи зебо навишта ем

Соиби зи табъи нозуки равшандилони аҳд

Шармандаем шеър ба ҳарҷо навишта ем